國安法來到，「冷氣軍師」戴耀廷忽然思想轉變

[港平]

依家香港政局變化快，但變得更加快嘅，係政客嘅嘴臉。對於中央出手訂立「港區國安法」，之前仲宣揚緊「攬炒十步曲」嘅攬炒派「冷氣軍師」戴耀廷，近日接受報章專訪時，態度明顯有「轉變」，佢表示，中央立法已經令「攬炒」提前嚟到，香港有冇得「死裡逃生」、有冇「轉機」，要睇國際社會出咩招 其实如果按照戴耀廷之前嘅意思，如果「港區國安法」真係攬炒香港，咁戴耀廷呢班攬炒派都算求仁得仁，點解依家又要講到要生要死咁款呢？ 咁都未算，戴耀廷最大嘅「思想轉變」，係當講到會唔會擔心自己日後喺「港區國安法」之下可能被捕時，就好坦白地話「如果國安條例有追溯力，咁我冇得走啦；但如果冇追溯力，我咪收聲囉，唔講一啲會踩界嘅嘢」。 咦！終於識驚喇、知道要收聲喇咩？！戴耀廷都真係幾醒喎，平時就成日宣揚攬炒，叫人「流血抗爭」，推其他人啲後生仔女去「衝」，自己就永遠喺幕後扮軍師「指點江山」咁款，依家眼見「港區國安法」勢在必行，自己又第一個縮？！ 但咪住先！戴耀廷唔好以為依家公開表達下「以後收聲、唔再踩界」，以前嘅所作所為就可以當粉筆字抹咗去喎！ 好多市民，尤其係青年、學生們嘅屋企人、師長都應該聲討戴耀廷，大家回想下，由幾年前「違法佔領」開始，戴耀廷等人就不斷透過宣揚「違法達義」歪理，推咗幾多年輕人去犯法，又有幾多人俾佢害到要坐監甚至賠上一生前程！ 好喇，依家國安法就嚟，戴耀廷自己就驚到預早講定要收聲，呢啲正宗「叫人衝、自己縮」嘅典範，大家認為係咪可以就咁輕輕放過佢呢？ 依家香港被班攬炒派搞到咁，戴耀廷仲想點「死裡逃生」、有咩「轉機」？逼到中央忍無可忍要出手嘅，又係邊個？講真，「港區國安法」日後執行，守法市民根本唔洗驚，但分裂、顛覆國家嘅政客，恕廣男直言，就實在難講啦！尤其大家睇下依家戴耀廷嘅反應，就知道立法真係有必要！

 

[boblee2000]

秒怂，这是放口风，希望中央政府不要溯及既往。下一个就看黎智英了。。那个要是怂了，估计白折腾了。

 

[yanngoyan]

戴耀廷是香港人民争取民主自由的勇士，他为香港争取民主自由牺牲了不少个人利益，76%香港人永远感谢他。

 

[RareEarth]

惩罚只是手段，不是目的。只要以后不胡闹，目的就达到了。不溯及既往也是可以的。
可以给港灿一个有条件大赦。不再犯则罢，如果再犯，新账老账一起算。

秒怂，这是放口风，希望中央政府不要溯及既往。下一个就看黎智英了。。那个要是怂了，估计白折腾了。